Lashio Lamzin Kap Ah Zuri A Thi

February 10, 2022 zingthlapit ah mipa pakhat cu Shan State, Lashio lamzin kap ah thicia in an hmu, zu a ri tuk ruangah a thi an ti. Train Station fehnak lamzin kap, tidai umnak kiangah arak thi.

Mibawmtu Pawlkom in, “Zu a ri tuk ruangah a cangvai thei nawn lo ih a lungtur cawl in a thi. Ahmat (9) vengsung, Train Station fehnak lamzin kap ah a thi” a ti.

Mithi ruak cu mibawmtu pawlkom in an la ih siizung ah an phur, Meiktila khuami a si ti an theifiang zo ih a innsang pawl pehtlaih dingin an zuam rero lai.

Lashio ramsung ah ritheihsii le zuri tuk ruangih thi an um phahphah ṭheu, ṭhenkhat cu misual kuttuar in an thi ih hlamtu nei lo mithi ruak khal an vuiliam ṭheu.

Be the first to comment

Leave a Reply

Your email address will not be published.


*