Laung Bo Khua Ah Nauhak Le A Nu An Sat That, An Taksa An Tan Hnuah Box Sungah An Ret

Magway Division, Gangaw District, Laung Bo (Chaung Pauk) khua ih um pacang Ko Chan Thar cu an khua ih Secretary General á¹­uanlai a si.

July 28, 2021 zinglam nazi 3:00 hrawngah zo ti theih lo, hmaituam pawlin an va lutchilh ih nam in an sat ciamco. Vengsung mi pakhat in “Zinglam kau ih thilthleng a si. Ko Chan Thar le a fanu kum 8 mi cu hliamhma thawn an tlansuak thei.

An tantami a nupi Ma Tin Tin Win le a fapa kum 10 mi cu an sat that, an taksa khal an candip ih box sungah an rak ret” a ti.

Gangaw District palik bawi in “Thilthleng dan pawl kan va zingzoi rero lai, a cipciar in kan thei hrih lo” tin VOM thuthang hnenah a sim. Ko Chan Thar ih nupi le a fapa thattu cu zo pawl an si ti an thei hrih lo, Gangaw District sungah PDF le ralkap pawl an doaw rero lai.

Be the first to comment

Leave a Reply

Your email address will not be published.


*