Leiba Hlamtu Cu Leiba An Pe Thei Lo Ruangah An Rak That

Rakhine State, Maungdaw khawpi, ahmat 1th vengsung ih um Ko Tun Tun Naing cu December 22, 2021 simlam ah leiba hlam dingin inn ihsin a poksuak ih a tlung nawn lo. A thaizing nazi 3:00 hrawngah thicia in an hmu.

Ahmat 3th veng lal in, “Mithi cu leiram lawng buaipitu General Secretary ṭuanlai a si. A nu in sumpai ting 3 baktu anei, mizan ah a nu in sumpai cu ava hlamter.

Leiba hlam dingin a poksuak ih ara tlung nawn lo, zingpit nazi 3:00 hrawngah thicia in an hmu, a hngawng ah nam in an at. A ruak cu siizung ah an phur ih an zohdik rero lai” a ti. Ṭuanvo neitu pawlin an zingzoi vivo hnuah tualthattu pakhat cu an kai ngah hngal ih an rak thatnak a san cu leiba pek dingin an neih lo ruangah tin a phuangaw.

Ṭuanvo neitu in, “Leiba a hlam ih ṭongkam an el’aw ciamco, tualthatnak ih tel cu minung pathum an si. Midang pahnih khal an kai ngah zo” a ti.

Be the first to comment

Leave a Reply

Your email address will not be published.


*