Leiba Hlan Dingin An Feh Ih Misual An Tong, A Nu An That Ih A Fanu An Sualpi

Bago, Ookduna khua, Thiho hmuan kiangah mithi ruak an hmu. July 14, 2022 zinglam ah nunau kum 40 mi ih ruak an hmu, a hngawng le pum ah nam ih dawtnak hliamham aum. Kiangkap ih um pawlin mithi ruak an hmu ih palik sakhan ah an theiher.

Mibawmtu pawlkom in mithi ruak cu an va thiar ih a fanu kum 13 mi aum lo ti an thei. A kiangkap hrawngah a fanu cu an hawl ih an hmu, pawngsual a tong ti an thei. Mibawmtu pawlkom in, “Zinglam nazi 9:30 hrawngah phone call kan dawng ih kan va tlan lohli. A hmun ah a nu cu arak thi zo, a fanu kum 13 mi khal a kiangkap ah kan hawl hmu” a ti.

Leiba hlam dingin an nufa in an poksuak ih minung umlonak Thiho hmuan kiangah mipa 2 thawn an tong aw, mipa 2 cu an hmai an tuam thluh. A nu cu thu an sut hnuah a fanu cu an kaihrem, an sualpitnak zianghman a thei nawn lo.

A nu hi a thi zo ti khal arak thei lo ih mibawmtu pawlkom in an sim thei. Tuahmawh tong nauhak cu Taungoo siizung ah an phur, a nui ruak cu Okduna siizung ah zohdiknak an nei rero lai. Tualthattu pahnih cu an kai ngah hrih lo ih palik pawlin an hawl rero lai.

Be the first to comment

Leave a Reply

Your email address will not be published.


*