Leilungpi Ṭhiater Tu Myanmar Dothlennak Ih Zuk 8

Myanmar ramsung buainak ah minung 800 lenglo an thi zo ih 5000 luan an kai. Asinan, mipi in sung pek an tum lo ih an neh hlanlo an do vivo tum.

Zuk 8 kan tarlang mi pawl cu tuiṭum Myanmar ramsung dothlennak ih leilungpi ṭhiater tu zuk pawl an si. An nulepa in hriamhrei keng lo an fahniang pawl cu doawknak tualrawn ih an thlah lai zuk a si. An fahniang pawl thawn an thlahawknak zuk pawl a si.

Thlacamnak le thlasuah peknak thawn an thlahliam lai zuk a si, daiten lamzawhnak ah an va tel ih ralkap pawlin an rak kap that. Leitlun ramdang dang khalin an thuthang cahmai ah himi zuk pawl cu an rak tarlang rero zo.

Cun, Myanmar ram hrang duhphorhnak an tuah tik khalah himi zuk pawl hi an hmang ṭheu. Myanmar rampi aum sung cu an sakruang um nawn lo hmanseh an thuanthu le an zuk pawl hi cu a roling kumkhua ding.

Be the first to comment

Leave a Reply

Your email address will not be published.


*