Leimin In Philippines Ram A Nuai, Nauhak Kum 11 Mi Cu Vurbawm (Fridge) Sungah Arak Relh Ih A Him

April 15, 2022 ah Philippines ram, tlang hnuai ih um Baybay City cu leimin in a nuai ciamco. Leimin ruangah mithi 156 aum ih tilian ruangah mithi 19 an um, mihlo 170 an um ih an hawl rero lai.

Inn tam zet cu leimin le tilian in an nuai siat thluh. Runsuaktu pawlkom in tilian lakah vurbawm (Fridge) an hmu ih a sungah thawmvang an thei, an vung ong cu mipa nauhak kum 11 mi an hmu.

An hmuh veten “Ka rilrawng tuk” a tiih tidai in ding an pe, vurbawm sungah nazi 20 sung arak um. A ke ah hliamhma a tuar ih siizung ah an tuamhlawm rero lai. Hringtu a pa cu leimin in a nenthat ih a ruak khal an hmu zo, a nu le a naupa kum 13 mi cu an hlo lai ih an hawl rero.

Leimin in an inn a nen veten mangbang aihai in an vurbawm sungih a lut thu a rel. Mibawmtu pawlkom in vurbawm sungah hitin arak nungdam thei cu thilmak zet a si an ti.

Be the first to comment

Leave a Reply

Your email address will not be published.


*