“Leitlun Ah Min Maw Kun Ih Nupi Vek Nunau An Um Tuk Lo, Harsatnak Ramlak Khalah A Thlun Vivo” Tin Mipi In An Lawm

Myanmar ramsung buainak ah lemcan thiam Min Maw Kun hi mipi in an uar zet, ram hrangih a zuamnak le a pekawknak cu an tarlang ringring. Asinan a phen ih um a nupi Thinzar Hlaing ih thuhla cu an tarlang tam tuk lo.

Kum 42 mi Min Maw Kun in a nupi le a fapa cu a tlannak ramlakah a ko ih an umtlang khawm. Ramlakah paa an hawl ṭheu ih kiangkap khuate lakah an va zuar, mipi bawmnak dil loin anmahten ke an karh rero lai ih a motor khal a zuar zo.

Tuiṭum ahcun mipi in a nupi hi an lawm zet, a pasal a duhdawt dan le harsatnak lak khal ava thlun vivo ruangah leitlun ah Min Maw Kun ih nupi vek hi hmuh ding an har tuk tin an fak rero.

“Phun 10 a ong ih ramdang ah tlawngkai dingin an timlamaw rero, asinan ramdang feh aiin Min Maw Kun a duh sawn. Min Maw Kun in ramdang feh man loin a ru ih a thlun cih, cutin hringnun an hmangtlang. Ramsung buainak ah a pasal cu nasa zetin a cangvaih ruangah ralkap pawlin kai an tum ih ramlakah a tlan.

‘Fanu neihsun ka si ih ramlakah ka um ve thei lo, kan inn le lo suahsan ka siang lo. Ziangtin sumpai kan nei ding, ziangtin kan fale pawl tlawng an kai thei ding tin kamkhat khal a ṭongsuak lo ih a pasal ih dung thlun vivo in ramlak ah a tlan ve. Hivek nunau cu leitlun ah hmuh ding an har tuk zo” tin an lawm rero.

Be the first to comment

Leave a Reply

Your email address will not be published.


*