Leitlun Ah Thawngtla Lai Laksawng Ngah Umsun Nunau Pahnih

Thawngtla pawl tin an rel tikah misual lawnglawng an ret khawmnak ding hmunpi a bang nan arak si cuang lo. A kaitu khal an rak sual sawn thei, thawngtla lai rori in laksawng a ngah ti cu a danglam zet.

Myanmar nunau pahnih lawngin thawngtla laiah laksawng an ngah, cu tei pahnih cu Myanmar ram thirawn petu Aung San Suu Kyi le lemcan thiam Eaindra Kyaw Zin an si.

Kum 76 mi Aung San Suu Kyi cu July 20, 1989 ah ralkap pawlin an kai ih a inn sungah an kharhkhum, kum reipi sung an kai ih an kaih laiah Nobel Peace Prize timi leitlun ih laksawng ropi bik pek a si. Amah in ava lak thei lo ruangah a unaupa in arak laksak.

Tuiṭum khalah kum 44 mi Eaindra Kyaw Zin cu ralkap cozah a dodal ruangah an nupa in April 10, 2021 ah ralkap pawlin an kai ih Insein thawnginn sungah an khum lai.

Culai ah Germany ram ih an tuahmi zuknung lemcan thiam laksawng an pe, “What happened to the wolf?” timi zuknung cannak ah lemcan thiam laksawng “Seymour Cassel Award for Best Performance” cu Eaindra Kyaw Zin hnenah an hlan.

Be the first to comment

Leave a Reply

Your email address will not be published.


*