Leitlun Ah Titeng An Mal Vivo, An Ci A Mit Zik

Hlan deuh minung pawl cun titeng (Dragonfly) hi kan thei thluh in kan ngaina zet ding ti a zumum. Kan nauhak lai caan in rak hmang nuamter tu rannung khal an si, bualrawn tivek ah titeng kai ding hawlin kan rak feh áš­heu.

Tulai caan ah titeng hi an mal vivo, leitlun boruak a sia tuk ruangah titeng in an rak tuar ve zet. Washington University in St Louis in titeng 319 hnenah zingzoinak an nei ih hlanlai ih titeng rawng (colour) le tulai ih titeng rawng hi an bangaw nawn lo ti an thei. An colour lakah a kim nawn lomi colour aum.

Abik in titeng pa pawl ih thla colour cu a kim nawn lo, an thla colour hi khuahlum an donak a si ih an cithlah sersuaktu khal a si. Titeng nu ahcun danglamnak ciamco aum hran lo nan titeng pa pawlin an tuar hleice.

Leitlun boruak a sia vivo ih khua hlum & daihdan boruak a sia vivo asilen titeng pa pawlin cithlah theinak thazang an nei mal dingih an ci a mit thlang ding ti an zum.

Be the first to comment

Leave a Reply

Your email address will not be published.


*