Mon State, Mawlamyine khawpi ih um Myo Min Htut cu June 8, 2022 zanlam nazi 6:00 hrawngah a bike mawng lai cu tualsung mipi ralkap pawlin vei (5) an kap ih a hmun ah a thi cih.
Myo Min Htut cu leitlun huap hardamnak (WHO) ah kum 5 sung hna a ṭuan zo, WHO ah motor mawngtu khal a si. June 8 zanlam ah a hnaṭuannak zung ihsin a tlunlam ah an kap that.
Tualsung mipi ralkap pawlin, “Meithal in vei (5) kan kap. Mipi in an hek ṭheu, fala pawl khal puitling zuknung a zohter hrim ih a duhdan in an cangvai lo asilen a hringhro ṭheu. Ralbawi Aung Lin Dwe ih sungkhat a si ih CDM tuahtu pawl cu a hringhro ṭheu. Tualsung innsang hmin cazin khal amai hohanak in an zohdik” an ti.
Myanmar ramsung ih um WHO zung khalin Myo Min Htut thih thu ah a innsang pawl thawn an riahsiat thu an tarlang.
Leave a Reply