Leitlun Ih Inn Hrang Bik An Timi Cu An Zuar

Leitlun ih inn hrang bik an timi pakhat cu Burrillville, Rhode Island ah aum, The Conjuring le Annabelle timi thlahrang zuknung khal himi inn ihsin cangsuak a si. Mi tampi in himi inn hi an rak lei rero zo nan zohman an um rei ngam lo, tu khalah a hrang lai.

1971 kum ah Roger le Carolyn Perron tei nupa in an luah, an fanu te thawn an pathum lawngin an um. Inn luah dingih an va thleng sun ah an uico cu innsung ah a lut duh lo, cumi hnu reilote ah an uico cu a thi.

An inn hnuailam ah milem an sar ih an fanu in a la, cumi milem cu a hrang zet ti a si ih a hmin ah Annabelle tin an ko. Himi inn luahtu pawl cu an tluang thei lo ih buainak hlir in an khat.

An zingzoi vivo dan in 1863 kum ih innluahtu in nauhak zarhkhat ih upa cu thawinak ah a that, cumi hnu reilote ah innluahtu khal a awkaw that. 2019 kum ah Cory le Jennifer Heinzen tei innsang in an lei ih kum 2 sung an um hnuah an zuarsal, US$1.2 million zatin an zuar lai ih na lei thei ringring.

An um sungah thla an hmu ṭheu, a caan len mokor hruh nunau khal an hmu ṭheu. An sangka khal an king ciamco ih an va ong tikah cun zohman an rak um dah lo, zan an it lai khalah an step ah mifeh thawm an thei.

Be the first to comment

Leave a Reply

Your email address will not be published.


*