Leitlun Ih Mi Tirhsian, Hmeltheih Lo Bawm Tambik 4-nak Ah Myanmar Mipi Pawl An Um. US, UK Pawl Cu Hnuailam Ah An Um

Kumtinten The Charities Aid Foundation (CAF) pawlin leitlun ih mi tirhsian bik, hmeltheih lo bawm ṭulmi pawl bawm ṭheutu hmin cazin an rak ngankhum ringring.

Kum dang ahcun ram cangkang United States, United Kingdom, Canada, Ireland le Netherlands pawl hi Top 10 ah an rak um ringring. Asinan, 2019, 2020 le 2021 ahcun an tlasia, hnuailam ah an um.

Mak zetin tuikum Top 10 ih um pawl cu ram thangso rero pawl an si. 2020 Top 10 ram pawl cu: (1) Indonesia, (2) Kenya, (3) Nigeria, (4) Myanmar, (5) Australia, (6) Ghana, (7) New Zealand, (8) Uganda, (9) Kosovo le (10) Thailand ram pawl an si.

Covid-19 thlisia a hrang hnu ihsin ram cangkang zo aiin ram thangso rero pawlin mi an bawm tam sawn. A pakhatnak ah Indonesia mipi pawl an si ih Myanmar mipi pawl cu 4-nak ah an um.

Himi Top 10 ramsung ih mipi pawlin hmeltheih lo, bawm ṭulmi pawl cu zangfah lainatnak thawn an bawm ṭheu tin an tarlang. Cun hmeltheih cia, mai ramsung mi pawl bawmnak hmin cazin ahcun Myanmar mipi pawl hi 2-nak dinhmun ah an um, pakhatnak cu Indonesia mipi pawl thotho an si.

Be the first to comment

Leave a Reply

Your email address will not be published.


*