India, Mushahar khua te ih um nauhak Amarjeet cu leitlun ih nauhak mithat hmang bik an timi a si. Kum 7 a si laiah mi a that zo, kum 8 a kim tikah mi pathum a that. Amarjeet hi 1998 kum ih piang a si, innsang harsat zet ih thanglian a si ih a pa cu nitinten hnaṭuan a si.
2006 kum ah a naunu (cousin) kum 6 mi a that, cumi hnuah a farnu thla 8 mi a that. A innsang ṭhenkhat in a tualthat thu hi an thei nan innsungsang thuhla ruangah an relsuak lo. Cumi hnuah khuasung mi naute thla 6 mi a that.
Thla 6 mi nunau naute cu a nu in nauhak tlawnginn ah a itter, a nu cu hmundang ah ava feh lawk ih a fanu cu a hlo. Palik pawlin naute hlo cu an hawl ih Amarjeet in a that thu a phuang aw. Naute cu tlakrawn in a sut ih a rek that thu a phuang aw. cumi hnuah khuapawn ah ava phum.
A tualthat mi pahnih khal a phuang aw ih a phumnak hmun khal a sim thei, a thatdan cu a bangaw thluh. Palik pawlin thu an suhnak ah hni siamsiam in a phuang aw ih ‘Ka rilrawng, biscuits ei ding in pe uh’ a ti.
India daan le dun ah kumkim lo a si ruangah thawnginn ah an thlak lo, thihdaan khal an orhter lo ih nauhak runinn ah an ret sawn. 2016 kum ah an suah zalen ih tuini tiang a umnak an thei nawn lo.
Leave a Reply