Leitlun Ih Mithmul Saubik, Sibawi In Ziangtin A Mithmul A Sau Ti An Theithei Lo

China nu You Jianxia cu leitlun ih mithmul saubik Guinness World Records ngahtu a si, a mithmul cu 20.5 cm (8.0 in) in a sau.

June 28, 2016 ihsin leitlun ih mithmul saubik Guinness World Records arak ngah zo ih tuitiang amah neh theitu an um hrih lo. 2015 kum ihsin a mithmul cu a sau ciamco, a bik in a kehlam mithmul hi a sau cuang.

You Jianxia in “Sibawi thiam le scientist pawl khal thu ka ron nan a san le vang an theithei lo, kan sungkua cithlahtu lak khalah mithmul sau an um lo” a ti.

2015 kum ihsin a mithmul cu a thang ciamco ih May 20, 2021 ahcun 20.5 cm (8.0 in) a thleng, a sau vivo lai ding ti an zum.

You Jianxia in “Mithiam, mifim pawl khalin a san an theithei lo, pathian Buddha ih in pekmi laksawng a si ding. A hlan ah ni 480 sung tlangpar ah ka rak um zo, curuangah pathian in laksawng ah in pe a si ding” a ti. A mithmul cu a cahnak thazang ah a ruat ih Guinness World Records khal a ngah thei thu a rel.

Be the first to comment

Leave a Reply

Your email address will not be published.


*