Leitlun Ih Nunau Sang Bik In “Ka Sang Tuk Ruangah Tlangval Ka Nei Ve Thei Lo” A Ti

Fala kum 34 mi Yekaterina Lisina cu Russia mi a si ih US, Los Angeles khawpi ah aum zo. Leitlun ih nunau sang bik ‘Guinness World Record’ ngahtu a si ih 2017 kum ah Tallest Professional Model laksawng a ngah. A sang lam hi 6 feet, 8.77 inches in a sang, a ke khal 4′ 3″ (132cm) in a sau mawi zet.

Media pawlin thu an suhnak ah Lisina in, “Tlangval hrangah buainak ka nei. Tlangval ka uar deuhmi pawlin in rak duh dah lo, a san cu an hrangah ka sang tuk ruangah a si. Keimah aiih niam tlangval ka nei dah lo, duhdawtnak ah sang le niam hi kan zoh ding mi a si lo.

Keimah in duat thiamtu, a cang thei asilen sumpai lamih in bawm theitu sisehla ka duh. Asinan, duhdawtnak ah a thupi bik mi cu thinlung ih pehtlaih awknak hi a si, Mi pakhat na duhdawt zet asikhallen thinlung lam pehtlaih awknak aum lo ahcun nan duhdawtnak kha san a tlai lo ding” a ti.

Cun, tutiang koppi ding a neihlonak khal amah hi vahsuah paih mi a si lo, party-nak hmun khalah a feh dah lo. Curuangah online apps hmangin koppi ding ka hawl sawn ding a ti. Lisina tei innsang hi an sang ṭha zet, a tapa khal feet 6:6 in a sang, a pa khal 6:5 in a sang ih a nu cu 6:1 in a sang.

Be the first to comment

Leave a Reply

Your email address will not be published.


*