Leitlun Ih Nunau Tawibik In Tlangval A Nei

Kum 32 mi Sassee cu leitlun ih nunau tawibik timi a si ih online sung khalah a lar zet. Tu’ahcun tlangval kum 19 mi Blake thawn an duhmi, kum 13 in an thlauaw nan kum ah an buai lo ih an duhdawtaw zet.

Fala Sassee hi a nauhak laiah damlonak danglam zet anei ruangah a ruhcang pawl a thang thei nawn lo, kum 32 a kim zo nan feet 2;10 lawngin a sang. A tlangval cu feet 5;7 in a sang.

Kiangkap um mipi pawlin an soisel ṭheu nan ziangah an rello ih an duhdawtnak cu parvul vivoter an tum. Sassee in a tlangval cu, “Midang ruahnak hi a ret thupi lo ih in duat thiam tuk” a ti.

Tlangval Blake khalin, “A thinlung a ṭha tuk, in ti aipuang thei zet. Kan hnitlang ringring ih kan duhdawtnak hi parsuakter vivo kan tum, kum ah kan thlauaw zet nan kum cu number men a si” a ti.

Be the first to comment

Leave a Reply

Your email address will not be published.


*