Leitlun Ih Phone Cakuat Hmaisabik Cu Lilamnak An Nei Ding, An Ngahmi Sumsaw Cu Raltlan Hnenah An Hlu Ding

Leitlun ih phone cakuat hmaisabik cu December 21, 2021 sun ah Paris khawpi ah lilamnak an nei ding, Aguttes Auction House in himi lilamnak hi an tawlrel ih £170,000 ($225,000) hrawng an ngah thei ding ti an zum.

A leitu hnenah cakuat hmaisabik cu digital file in an kuat dingih a kuattu hmin, a dawngtu hmin le phone number pawl khal an kuattel ding.

Phone cakuat hmaisabik cu Vodafone phone ihsin an kuatsuak. December 3, 1992 ah phone cakuatnak tuahtu British engineer Neil Papworth in Vodafone’s director Richard Jarvis hnenah ca a kuat hngal.

Leitlun ih phone cakuat hmaisabik cu ‘Merry Christmas’ ti a si. Lilamnak an ṭheh hnuah an ngahmi sumpai cu United Nations Refugee Agency hnenah an hlu thluh ding.

Be the first to comment

Leave a Reply

Your email address will not be published.


*