Leitlun Ih Sniper Kahthiam Bik Cu Ukraine Ram A Thleng Zo, Amahten ISIS Pawl Arak Do Zo

North America, Canada pacang kum 40 mi cu leitlun ih sniper kahthiam bik an timi a si, a nupi in a hminngai le a sinak pawl thup dingin a fial. US ralkap hlun pathum thawn volunteer fighter dinhmun in an poksuak ih Ukraine ram siimtu Russia ralkap pawl an va do tum.

An fehnak zalam tluan ah ningáš­ih thlaphang ih um Ukraine raltlan pawl thawn an tongaw vivo ih an rak lawm tuk. Sniper kahthiam Canada pacang cu ‘Wali’ tin an ko, 2015 kum khalah amahten ISIS pawl arak do.

Leitlun ih sniper kahthiam bik le hmunhlapi ih um ral pawl khal a kap that hluahhlo thei. 3,450m ih um ral pawl khal a kap that thei, a umnak a hlat tuk ruangah ral pawlin an hmu thei lo ih an kap ngah thei lo. 2009 ihsin 2011 kum sung cu Afghanistan ram ah raldo in arak um, cutawk khalah Canadian Armed Forces ihsin sniper kaptu a si.

Ukraine ramsung buainak ah Wali in, “Europe an si duh ruangah bomb puah an tong rero cu ka bawm duh. Russia si an duh lo ih Europe si an duh sawn ruangah bomb puah an tong cu ka tuar thei lo, ka bawm duh” a ti.

A nupi in, “Ka fehter lo asilen a lungthin ka kekkuai ter ding ti ka thei. Ka fehter lo asilen thawnginn sungih khumtu vek ka si ding” tin media hnenah a sim thei. Wali in, “Harsa ka ti bik cu ka nupi le ka fapa fehsan hi a si. Ka tello in ka suahcam birthday an rung hmang ding.

Zarhkhat liamcia ahcun ka training aw rero ih tu’ahcun bomb puah theilonak inn pakhat ah minung ngai that dingin umhmun ka khuar zo. Ukraine ramsung ih siatnak pawl ka hmuh tikah ka fapa ih hmel ka hmu ih ka tuarpi tuk. Building siat pawl ka hmuh tikah building neitu ih riahsiatnak mitthli ka hmu” a ti.

Be the first to comment

Leave a Reply

Your email address will not be published.


*