Rwanda ram, Gitarama Prison thawnginn cu leitlun ih thawnginn rapthlak bik timi a si. Himi thawnginn cu 1960 kum ah an sak ih British hnaṭuantu pawl umnak arak si. Neta ah minung 400 khum theinak thawnginn ah an tuah.
Asinan, tu’ahcun thawngtla 7,000 an um ih ṭhenkhat cu ekinn sungah an riak, an ekinn hi a ṭha lo ruangah ek lakah an riak. 1990 kum ah Rwandan ramsung ah miphun nuai cimit tum awknak a suak ih himi thawnginn sungah thawngtla 50,000 an khum.
Rawl hi an pe khop lo ruangah an rilrawng thei tuk, thawnginn sungah misual pawlkom an din aw ih an sual aw ṭheu. Thawngtla mithi ruak cu an dam khuasuah theinak dingah an ei, a caan ahcun a ṭitsa tla an eiawkter. Thawnginn rim cu a sia tuk ih hmun hlanpi ihsin khal rimsia hi an theithei.
Tualsung mi pakhat in, “Rawl hi an buainak bik a si lo. Minung an tamtuk ruangah damlonak phunphun a thleng, nikhat ah minung 10 cu an thi ding. Ṭhenkhat cu vuakvelhnak hliamhma in an khat. Himi thawnginn sungih um pawl cu suamhmang, tualthat pawl an si. Miṭha ṭhenkhat cu an um men thei” a ti.
Leave a Reply