Leitlun Ih Uico Hmelsia Bik Neitu In A Uico Cu ‘A Hmelṭha Tuk’ A Ti

US, California khawpi ah leitlun ih uico hmelsia bik ‘The World’s Ugliest Dog’ zuamawknak an tuah ih Janeda ih uico in pakhatnak a ngah.

A uico a tondan cu uico damlo besia zet a hmu ih a cawm, a dam rei ding ti khal a zum lo. A damlonak ruangah a hmuihmel khal a danglam thluh. A lei a khak ringring, asinan duat zetin a tuamhlawm hnuah cun a damṭha vivo ih uico hmelsia bik zuamawknak ah a tel thei.

Pakhatnak a ngah hnuah media pawlin Janeda cu thu an va sut ih hmelsia na ti ve maw? an ti. Janeda in, “A hmelsiatnak ka hmu lo, leitlun ih uico hmelṭha bik a si. Zuamawknak ih tel uico zaten an duhnung thluh, an duhnung dan hi a bang aw lo cio” a ti.

Be the first to comment

Leave a Reply

Your email address will not be published.


*