Leitlun Ih Unau / Innsang Hlothlau Bik An Si Ding

Australia, Wales ramlak ah innsang danglam zet an hmu. Innsang member 38 an si ih an ittlang thluh. Kiangkap mipi pawl ih rinhlel an phang ruangah hmun dangdang ah an thawn’aw vivo. 1970 kum ah pacang Tim le a nupi cu New Zealand ihsin Australia ram ah an vai.

A nupi Betty thawn fa 5 an nei, a nupi Betty hi a farnu a si. Kum 12 mi a si laiah a pawngsual ih nau a keng, cutin Australia ram ah an um. Tim in a fale pahnih khal a sualpi ih nau an nei veve. An fale pawl cu tlawng an kai dah lo, an nauhak lai lawngah reilote sung tlawng an kai.

An fale pawl khal an ittlang thluh ih nau an pai cece. An fanu pakhat cu khuasung tlawng an kaiter ih a rualpi hnenah, “Ka unu in nau a pai, a naupai cu ka ule pawl ih fa a si. Zobik ih fa ti khal kan thei lo” a ti.

A rualpi pawlin midang hnenah an simsawng ih ṭuanvo neitu pawlin an rak thei. Palik pawlin an va zohdik ih innsang member 38 an pung zo. Nauhak pakhat in, “Ka pate, ka nute le ka unau pawl khal an ittlang thluh” a ti.

An innsung cu zunrim le ekrim a nam, ekinn thiṭha khal an nei lo. Innsang pabik Tim cu 2009 kum ah arak thi zo. Palik pawlin an zaten an hruai ih an hrentang, an thisen an zohdik ih unau thluh an si ti an thei. An fale ṭhenkhat cu ṭong an thiam lo. Kum 30-52 mi upa 8 cu an kai, mipa kum 29-49 mi pali khal nauhak kumkimlo sualpi thubuai an orhter.

Be the first to comment

Leave a Reply

Your email address will not be published.


*