Leitlun Ih Upa Bik A Thi

Japan pitar kum 119 mi Kane Tanaka cu leitlun ih upa bik timi a si ih Guinness World Record ngahtu a si. April 19, 2022 ah tar damlonak in leitlun a suahsan. January 2, 1903 kum ah a piang ih 20th century sung a hmang cem.

Leitlun ih kum upa bik an ngankhumnak ah a pahnihnak a si, a pakhatnak cu France mi Jeanne Celment a si ih kum 122 mi si in 1997 kum ah a thi. Kane Tanaka cu unau 9 lakah 7-nak a si ih kum 19 mi a si laiah pasal anei, a pasal le an fapa upabik cu 1937 kum ah Second Sino-Japanese War ralpi ah ral an do.

US in Japan khawpi pahnih Hiroshima le Nagasaki ah atomic bombs an thlak áš­um khalah arak um ve ih a damkhuasuak. 1993 kum ah a pasal cu kum 90 mi si in a thi ih pasal dang anei nawn lo.

January 2, 2022 ah a fale pawlin a suahcam cu siizung ah an va lawmsak. Tu’ah leitlun ih upabik Guinness World Record cu France mi Sister Andre hnenah an hlan, Sister Andre cu kum 118 mi a si ih khua a hmu thei nwan lo. Pathian rawngbawl in hringnun a hmang.

Be the first to comment

Leave a Reply

Your email address will not be published.


*