Leitlun Mi Cungcuang Hrilnak Ah Myanmar Nunau 3 An Tel

TIME Magazine in leitlun huap mi cuangcuang, mipi thinlung nehtu pawl hrilnak anei ṭheu, tuiṭum ahcun Myanmar nunau 3 an tel. Pahnih cu Myanmar ramsung ih um tlangpar mi an si, pakhat cu America ramsung ih um leilung lenglam cangvaihnak ih tel Dr. Mimi Aung pawl an si.

An hrilmi Daw Ei Thitsar Maung cu Shani miphun a si ih ralkap cozah duh lo langternak ah nunau a hmaisabik poksuaktu a si. Ralkap pawlin kaih an tum ih hmunhimnak ah aum zo.

Daw Ei Thitsar Maung cu NUG cozah ah nunau tleirawl le nauhak pawl ih Deputy Minister a ṭuan. An hrilmi pakhat cu Kachin miphun Esther Ze Naw Bamvo a si ih ralkap cozah donak ah ralṭha zetin hmai hruaitu pakhat a si. America ramsung ih um Myanmar mi Dr. Mimi Aung cu NASA cangvaihnak ah a tel.

April 19, 2021 ah mawngtu neilo Ingenuity vanzam te cu Mars leilung parah tluangten an ṭumter. Mars leilungpi zingzoinak ah engineers le scientists mithiam tam zet an tel nan Engineer Dr. Mimi Aung cu ziangkim tawlreltu a si tin TIME Magazine sungah an tarlang.

Be the first to comment

Leave a Reply

Your email address will not be published.


*