Letpanchaung Kiangkap Ah Rukru An Tam, Zonuam Ah Ar Le Bike Rutu An Kai

Myanmar ramsung a buai laiah suamhmang le rukru khal an pung deuhdeuh ruangah fimkhur a áš­ul zet. September 6, 2021 zing nazi 12:30 ah Zonuam khua ah ar rutu pahnih an kai, cun 2:30AM ah Zonuam khua ih bike rutu mi pahnih khal an kaisal.

Bike rutu 2 cu Pinekhungy khuami an si ih ar rutu pahnih cu Letpanchaung khuami an si. Inn 6 ta bike an rak ru zo ih FZ le Scooty cu an hmusal, inn 4 ta 125 bike 4 cu rukru pawlin an rak zuar man. Asinan, rukru pai ta rak leitu in a tharte in a leih thluhsal ruangah bike neitu pawl khal an lungawi zet.

Bike hmusaltu lakin Pa Thian Nun Lian le Nu Eng Nei Thluai tei nupa in khuatlang hruaitu le duty tu pawl hnenah lungawithu simnak an nei ih vok thau that in ruai kiltlangnak an nei.

Rukru an kaih zan khalah Pa Tawk Lian tei innsang in mino pawl nan tlawmngaihnak a ropi tuk tin duty-nak hrangah 100,000 MMK an hlu. Tulai rukru le suamhmang an tamtuk ruangah mai khua ciar cu kilhim’aw in duty um ringring thei sehla khuasung mipi pawl khal an thlamuang zet ding.

Be the first to comment

Leave a Reply

Your email address will not be published.


*