Lilawn Par Ihsin Fala Kum 17 Mi A Dawp

Rakhine State, Minbya lilawn par ihsin tleirawl kum 17 mi a dawp ih a ruak hi an hawl rero lai. Lilawn hi an sak ṭheh pekte mi a si.

April 3, 2022 sun nazi 2:00 hrawngah bike thawn ava feh ih a bike cu lilawn parah a tan, amah cu lilawn par ihsin a dawp. Tualsung mi pakhat in, “Sun nazi 2:00 hrawngah a dawp, a bike cu lilawn parah aum lai. Khuitawk mi a si ti khal kan thei hrih lo” a ti.

Ṭunvo neitu in, “Awa khua kiangkap ih um an ti. A hmin, a nulepa hmin pawl kan zingzoi rero lai. Lilawn kiangih thilzuar pawl thu ka sut ih a dawp tlak lai an hmuh thu in sim” a ti.

Tiva ih dawp tleirawl cu tlawng kai lai a si, hringtu a nu in zu a in ruangah a thinnaa tuk ih tiva ah a dawp thu theih a si. Minbya mibawmtu pawlkom in tiva ah an hawl rero laitak a si.

Be the first to comment

Leave a Reply

Your email address will not be published.


*