Lo Feh Tleirawl 3 An Hlo >>>

Kayah State, Shwenyaungpin khua ih um tleirawl 3 cu April 3, 2022 ah lo hnaṭuan dingin an feh ih an hlo. Simlam nazi 6:00 hrawng lawng ah an hloh thu hi khuasung mipi pawlin an thei.

Zan nazi 1:00 tiang hrawng an hawl rero nan an hmu lo. An khua kiangkap ah ralhrang pawl an duty ṭheu ruangah zan simpi hnu ahcun ramlak ah an hawl ngam hrih lo.

Tualsung mi pakhat in, “Tleirawl hlo pawl cu kum 8 le kum 12 mi an si, pakhat cu ka theifiang hrih lo. Kan dungah kan khua kiangkap ah an kapaw zo, cumi hnu ihsin kan khua kiangkap ah ralhrang pawlin umhmun an ra khuar. Ralhrang pawl hi ka rinhlel deuh, kan dung khalah inn pakhat hnu pakhat ah an lutsuak ih zingzoinak an tuah zo” a ti.

An innsang pawl cu an thinhar zet, a thaizing ihsin an hawlsal nan an sulhnu zianghman hmuh ding aum lo. Tuisun ah an khua kiangkap ih mipi le sathiam uico hruai in an hawlsal ding.

Tualsung mi pakhat in, “Kan naunu le hlo pawl cu kan hawl hmu thei hrih lo, khuasung mipi pawlin an hawl rero lai. Nan umnak hmun ah Pathian in lo kilhim hram seh, tuahmawhnak ihsin him hram uh” tin a tarlang.

Be the first to comment

Leave a Reply

Your email address will not be published.


*