Loikaw-PDF Pawl Cu An Runinn Te Ah An Tlung Lawk Ih An Nulepa Pawl Cibai An Buk

Kayah State, Loikaw-PDF pawl cu July 5, 2022 sun ah an pawlkom din kumkhat kimnak an lawm. May 18, 2022 hi pawlkom an din kumkhat kimnak ni a si nan thuhla a phunphun ruangah an lawm thei lo ih July 5 sun ah an lawm.

An ralkap pawl cu reilote sung an inn ah an va tlung lawk ih an nulepa, unau pawl thawn tonawknak caan an nei. An innsang hnenah fangfai dip khat, siiti burkhat le noodles pack khat ciar an pe.

Ṭhenkhat PDF pawl cu inn ah an tlung ve thei lo ruangah online fehtlang ihsin an innsang pawl cibai an buk, an laksawng khal raltlan pawl hnenah an hlu. Ṭuanvo neitu in, “Kumkhat sung an inn ah an tlung thei lo ih reilote sung an va tlung lawk, an duhdawt mi an innsang pawl thawn an tong aw thei.

A nulepa tangsung ah an va beu lawk, nazi reilote sung an va um lawk ih cibai bukawknak an nei. Thlacamnak an nei. PDF ṭhenkhat cu kum 18, kum 19 mi an si. Dothlennak ah nehnak co hnu lawngah inn ah um lanta dingin thutiam kamawknak an nei. Doawknak tualrawn ah an ra kirsal thluh zo. Innlam tlung ve thei lo pawl cu online par ihsin an nulepa pawl cibai buknak an nei ih laksawng cu raltlan pawl hnenah an hlu” a ti.

Be the first to comment

Leave a Reply

Your email address will not be published.


*