Lu Min Nupi In “Ka Ṭahnak Ah Ka Mitthli A Cem Zik” A Ti

Myanmar lemcan thiam hminthang Lu Mn (kum 51) cu February 21 ah thuneihnak latu ralkap pawlin an kai in Insein thanwginn sungah an khum.

Myanmar ramsung buainak ah Lu Min cu mipi lamtang a si ih lamzawhnak khalah a tel ṭheu, ralkap cozah cu a thei dandan in a dodal ruangah ralkap pawlin kai dingin thubuai an orhter.

An innsung ah an va lutchilh ih an kai, thawngtla suak pawlin thawnginn sungih an hremdan le thawnginn sung a hardan pawl an rel ṭheu. Ralkap in thawngtla tam zet an suah zalen zo nan Lu Min cu a tel dah lo.

A nupi Khin Sabe Oo cu thinhar mangbang in a ṭap ringring, culai ah an sungkhat ṭhenkhat cu Covid-19 in an thi. Khin Sabe Oo in “Thla 5 zikte, nitinten ka ṭap ringring ruangah ka mitthli khal a cem zik te. Asinan, beidong lo dingin thazang ka peaw ringring” a ti.

Be the first to comment

Leave a Reply

Your email address will not be published.


*