Lu Min Nupi In “Zantinten Ka Mang Ah Ka Hmu Ṭheu Ih Ka Ṭap Ringring” A Ti

Kum 51 mi Lu Min cu Myanmar lemcan thiam hminthang a si, Academy laksawng khal vei tampi a ngah zo. 2014-2017 ah Myanmar Motion Picture Organisation ah chairman a ṭuan.

Myanmar ramsung buainak ah mipi lamtang a si ih ralkap in thuneihnak an lak veten lamzawhnak ah a tel. Cutin a cangvaih ruangah February 20, 2021 zan ah ralkap pawlin an inn ah an va kai ih Insein thawnginn sungah an khum.

Thla 7 sung thawng a tla zo nan an suah ding caan hi theih a si hrih lo, Insein thawnginn sungah harsatnak phunphun tuar in caan a hmang rero lai. Tuinaite ah thawnginn ihsin Lu Min a suak cing ding timi thuthang diklo a lengvak ih a nupi Khin Sabe Oo in arak thei ve.

Khin Sabe Oo in a rualpi hnenah “August 27 sun ah Lu Min a suak ding timi thuthang diklo ka thei cu ka thinhar a luar deuhdeuh. Zantinten ka mang ah ka hmu ringring ih ka thinhar tuk ruangah ka ṭap ṭheu” a ti.

Be the first to comment

Leave a Reply

Your email address will not be published.


*