Lungawi Um: Yangon Chin Nauhak Hlo An Hmusal

Chin State, Paletwa ramsung ih um Chin nauhak unau hnih cu December 11, 2021 ah Yangon, Hmawbi, Thintawyoe khua ah umhmun khuar dingin an feh.

Kum 12 mi Maung Nay Lin Tun le a nau kum 10 mi Maung Aung Lin Hwe hi Paletwa, Tonmawa khuami an si ih raltlan dinhmun in kumkhat lenglo an rak um zo. Hringtu a nu in a cawm thei nawn lo ruangah Yangon ih um an nute hnenah bawmnak a dilsak ih an hnenah um dingin an va feh.

Yangon ramsung umdan hi an thei hrih lo, December 13 zingpit ah an hnipuan pawl kengin inn ihsin an rak tlansuak ih an thuhla cu theih a si nawn lo lawk, an innsang pawl khal an thinhar zet ih mipi hnenah bawmnak dil in an hawl rero.

December 13 simlam nazi 5:00 hrawngah an hmusal thu theih a si. Hlegu khuasung ih Chin tlawnginn pakhat ah an hmusal, an kenmi sumpai 5000 in motor an to ih Hlawga Park ah an ṭhum ih kiangkap um rickshaw (thirleng mawng) pawlin Kawl ṭong an thiam lo ruangah Chinmi an si ding tin Chin tlawnginn ah an rak thlah ih cutin an hmusal mi a si.

Be the first to comment

Leave a Reply

Your email address will not be published.


*