Ma Panche Ih Nu A Thi, Ninghang Riahsia In Aum Ih “Ka Ṭah A Ṭul Nawn Lo” A Ti

Ma Panche cu Myanmar lemcan thiam hminthang a si, a ruangrai a ṭha ih a nutling zet ruangah mipi in an uar tuk. Myanmar ramsung buainak ah mipi lamtang a si ih lamzawhnak khalah a tel lawk.

A nui damlonak ruangah lamzin parah a cangvai thei nawn lo ih online par ihsin a cangvai ṭheu. Ma Panche in a nu hi a duhdawt zet, a nu hi damlonak neicia ringring a si. Thailand ram khalah an rak tuamhlawm rero zo, Ma Panche in a thlahlawh pawl cu a nu damlo tuamhlawmnak ah a hmang thluh.

Tuiṭum ah Covid-19 a kai ih a damlo bese zet, Ma Panche khal Covid-19 a kai ve nan a nu damlo a tuamhlawmnak ah nathrik a kai ve ti khal a theiaw nawn lo.

May Panche in “Covid-19 in ni 6 sung ka dam lo zo, asinan ka nu damlo ka tuamhlawmnak ah ziang ka cang ti khal ka theiaw nawn lo. Zan ka itthat lo caan khal a tam, minute 1 khal ka nu hi ka thlahthlam thei lo, ka nu hi midang ih tuamhlawm ding cu ka rinsan lo” tin a facebook cahmai ah arak tarlang zo.

Cutin a tuamhlawm rero nan ṭhalam a pan thei cuang lo ih August 5 ah a thi. May Panche in “Ka nu, ka diriam tuk. Ka simmi thu pawl a lung tuk ih in itthat san. Ka thlacam mi ka hlawhtling ti ka theiaw ih ka ṭah khal a ṭul nawn lo” a ti.

August 7 ah Ma Panche in “Ka nu, na um nawn lo cu hringnun ah beisei mi ka nei nawn lo. Hingnun ah duh le duh lo khal ka nei nawn lo, ka hringnun cu a thi zo. Zianghman ka duh nawn lo, ka lung a kuai” tin a tarlang.

Be the first to comment

Leave a Reply

Your email address will not be published.


*