Madalay NLD Vice Chairman In A Nupi Thih Thu A Theih Hnuah Lungphu Cawl In A Thi

Mandalay peng sungih NLD Vice Chairman U Ko Ko Lay ih nupi Daw Soe Soe cu ralhrang pawlin an kai ih an vaw ciamco, zarhkhat hnuah a thi ih a ruak cu lamzin ah an va hlon. U Ko Ko Lay cu ralhrang pawlin kai dingin an inn ah an va feh ih arak um lo ruangah April 12 sun ah a nupi cu a aiawh ah an kai.

Ralhrang pawlin a nupi cu an vaw that ih April 18 sun ah Mandalay, ahmat (35) lamzin ah an va hlon. An sungkhat in, “An ra kaih lai ihsin an vuakvel ciamco, nunau pakhat hi lak ding um nawn lo khopin an vel that hnuah an ra hlon” a ti.

U Ko Ko Lay cu ralhrang pawlin kai dingin pukmah (505) an orhter, a nupi cu ziang thubuai hman anei lo nan an kai thotho. Daw Soe Soe hi an kaih laiah a pasal umnak an sut ih an vaw, a kawng ah nam in an at. A pasal umnak a sim lo ruangah an vaw that.

Ralhrang in ramsung thuneihnak an lak pekte ah U Ko Ko Lay cu lamzawhnak ah a tel ṭheu, curuangah ralhrang pawlin pukmah (505) orhter in kai dingin an hawl rero. Shan State, Pindaya ramsung ah raltlan in aum, a nupi thih thuhla a theih hnu April 21 zanlam nazi 6:00 hrawngah lungphu cawl in a thi. U Ko Ko Lay hi harhdamnak ṭha lo a si ih thisen sang, zunthlum le thisen thlum natnak a nei.

Be the first to comment

Leave a Reply

Your email address will not be published.


*