Magway Ramsung Ah Pawpi Sual A Hrang

Magway, Kyaung Kone Gyi ramsung ah pawpi sual keneh an hmu ih khausung mipi pawl cu an thlaphang zet. August 28 sun ah an khua kiang ih caw khal pacang Ko San Win arak keu zo.

A caw khalh lai cu pawpi in a khawng ah a keu ih vanṭha ah kiangkap um pawlin an run man. September 2 zinglam ah pawpi keneh tharhlam zet cu Saetottara ramsung ah an hmu.

Tualsung mi pakhat in “Pawpi cu Saetottara ramsung ah aum zo ti kan thei, a keneh pawl khal kan hmu. Mipi thinphang dingin ka relmi a si lo. Kan vahsuah tikah ralring dingin le ralṭha zet ih kan um theinak ding hrangah a si” a ti.

A hmutu ṭhenkhat in pawpi cu a tum tuk an ti, Kyaung Kone Gyi ramsung ah pawpi hi a hlanah an rak hmu dah lo nan tulai cu khuilam ihsin ara suak ti khal an thei lo. Ramlakah doawknak a thleng rero ruangah umnak ding thitha anei nawn lo ih khuasung lamah ara lut si ding ti an zum.

Be the first to comment

Leave a Reply

Your email address will not be published.


*