Magway Ramsung Ah Ralhrang Pawl An Va Lut Ciamco Ih, “PDF Pawl, In Rak Kap Asilen Mipi Pawl Kan Urthat Ding” An Ti

Ralhrang pawl cu Magway ramsung, Myaing Township, Letyetma khua ah an va lut ciamco ih, “PDF pawl lamzin ah bomb nan kam & in kap asilen khuasung mipi pawl hi kan urkang thluh ding” tin hro an suang.

Khuasung mipi pawl ih theih dingin an au ih mipi cu sahimnak hawlin khua an suahsan. Tualsung mi pakhat in, “January 12 sun ah ralhrang pawl cu kan khuasung ah an ra lut ciamco.

Ṭhenkhat cu phungyi tlawnginn sungah umhmun an khuar, tlawnginn sung khalah an um. Khuasung mipi pawl cu an tlansuak thluh, ralhrang in khua hi an kulh. Ralhrang pawl cu mipum 200/300 kiangkap hrawng an si ding. PDF in in kap asilen mipi kan urkang that ding tin an au ciamco” a ti.

Magway ramsung ah tualsung mipi kilhimtu PDF le ralhrang pawl an doaw ṭheu ih ralhrang thi le hliamtuar an tam thei tuk ruangah doawknak vanzam an hmang. Khuasung mipi pawl an that ih an inn le lo an urkang ṭheu.

Be the first to comment

Leave a Reply

Your email address will not be published.


*