Magwe NLD MP Kaih An Tum Ih Hmun Dangah A Relh, Hringtu A Pa An Kap That

Magwe, Sinbaungwe Township, Aye Ka Rit khua ih um Yan Aung Myo cu 2020 kum hrihawknak ah nehnak a co ih NLD MP a ṭuan. Ralkap in thuneihnak an lak hnu ihsin kaih an tum ih April thla thok lamah a tlanhlo.

A innsang pawl khal hmun dangah an relh ve, July 16, 2021 sunah hringtu a pa kum 60 mi Tin Ohn cu lo hna a ṭuan ih ralkap pawlin an rak kap that.

Tha Ngar khuami in “Meithal awn vei 20 hrawng kan thei. Yan Aung Myo ih innsang pawl umnak cu dalan in ralkap hnenih an sim ruangah an thei. Tin Ohn ih ruak an thiar lai khal khuasung mipi pawlin an rak hmu” a ti.

Tin Ohn a thih thu an theih veten Yan Aung Myo ih innsang dang pawl cu an rak tlanhlo man ih zohman in an umnak an thei nawn lo. Khuasung mipi pawlin an phone nan phone an kai lo.

Ralkap in July 16 zanlam ah Tin Ohn ih ruak nan ra la thei an ti ih khuabawi le khua upa ṭhenkhat in an va la ih a thaisun ah an phum. MP Yan Aung Myo le a innsang dang pawl ih umnak cu zohman in an thei nawn lo.

Be the first to comment

Leave a Reply

Your email address will not be published.


*