Mah Le Mah Urkang Aw In Duhphorhnak A Tuah

Mandalay, Kyaukpadaung ramsung ah mipa pakhat cu February 1, 2022 sun ah mah le mah urkaan awknak ah duhphorhnak a tuah ih tualsung mipi pawlin a hliamtuar a nasa tuk ruangah a nunnak hrang seherh aum” an ti.

Mah le mah urkang awtu cu kum 20 mi hrawng Ko Aung Aung a si ih thir sernak ah hna a ṭuan. Tualsung mi pakhat in, “Thir sernak ah hna a ṭuan ih Electric meisa thazang ringin hna an ṭuan ṭheu. Ralhrang in ramsung thuneihnak an lak hnu ihsin Electric meisa hi an nei thei nawn lo ruangah hna an ṭuan thei dah lo.

Hnaṭuan ding a neih lo ruangah a tuar naa tuk an ti. Curuangah Electric meisa zung hmaiah amah le mah urkang aw in duhphorhnak ava tuah” a ti. Sun nazi 1:00 hrawngah Electric meisa zung hmaiah ava feh ih datsii thawn a tawihawk hnuah a urkang aw ih a kiangah “Khuasung mipi pawl hrangah nazi 24 sung meisa eng hram seh. 2001 + 2002 ah kirsal nawn lo seh” tin cahnah te ih nganmi an hmu.

Siizung ah an tlanpi ih an tuamhlawm rero lai. Ralhrang in ramsung thuneihnak an lak hnu ihsin Kyaukpadaung ramsung ah meisa an nei ṭha nawn lo, Electricity meter bill umlonak inn cu ralhrang pawlin meisa an phitsak. Meisa nei pawl khal nikhat ah vei 4 lenglo a mit ṭheu.

Be the first to comment

Leave a Reply

Your email address will not be published.


*