Malaysia Ah Chinpa Cu Covid-19 Khamsii A Dawt Hnu Ihsin A Bese Ih A Thi

Malaysia ram ah hlawhfa ṭuan Chinpa Michael Kap Pian Thang cu a damlo bese ih August 10 nazi 2:30AM ah Ampang siizung ah a thi.

Kum 36 mi Michael Kap Pian Thang cu Pu Kham Suan Kam le Nu Niang Ngaih tei fapa a si ih Kawlram ih an khua cu Tedim peng Saizang khuami a si. Malaysia ramah Covid-19 khamsii dawt dingin hmin an peaw ih an kosal ding ni an hngak ṭheu.

Kap Pian Thang hi tulai natnak ih damlo a si, a damlo laitak ah Covid-19 khamsii a dawtawk ding caan a thleng. A feh lo asilen can saupi a hngak sal ṭul ding ti a phang ruangah damlo cingin sii ava dawtaw ih zanlam ah a buai cih.

Ampang siizung ah an tlanpi hngal nan a damlonak cu a zual deuhdeuh ih August 10 ah a thi, Kap Pian Thang hi mino cakvak laitak a si ih tulai natnak ih a damlo cu a sualsuak thei ko ding nan a damlo laiah Covid-19 khamsii a dawt ruangah a bese ih a thih phah.

Damlonak nei pawl cun Covid-19 khamsii dawtaw lo dingin ralrinnak pekcia a si, Malaysia ummi Chinmi siseh, leitlun hmun dangdang ih um Chinmi pawl khal damlonak dang nan neicia asilen Covid-19 khamsii hi dawtaw hrih lo uh.

Nan damṭha hnu lawngah dawtaw sawn uh, Pathian zarah Covid-19 khamnak siivai cu aum ringring ko ding. Tuvek thil kan tong cu a poi tuk, a tanta mi a innsang pawl Cung Pathian in hnem hram seh.

Be the first to comment

Leave a Reply

Your email address will not be published.


*