Malaysia Ah Chinpa In Chinnu Nam In A Dawt

Malaysia ram ih hnaṭuan Chinpa in Chinnu nam in a dawt thu theih a si. June 23 zanlam nazi 4:47pm ah Taman Wangsa Permai, Kepong hmun ih thilthleng a si. Nam ih a dawt lai cu CCTV in arak zuk ngah thluh ih Malaysia palik in kai dingin an hawl rero lai.

Malaysia thuthang picang le China Press khalah an thuhla cu tarlang a si, CCTV ih a langdan cu an biaw lawk ih nunau cu step ah ava to.

Cutin, a to lai cu ava nam thutthi ih a hngawng ah a at tum, asinan at ngan loin a taksa dangah a dawt. A thisen khal a suak tam zet ih Selayang siizung ah an tuamhlawm rero lai.

Nam ih dawttu cu kum 40 mi U Khai Bem a si ih Chinnu cu kum 35 mi Daw Awm Vung Cing a si, ziangruangah nam in a dawt, ziangvek pehtlaih awknak an nei ti cu an tarlang lo. A thilri khal zianghman a laksak lo ih a tlanhlo ti a si.

Be the first to comment

Leave a Reply

Your email address will not be published.


*