Malaysia Ah Kawlram Mi A Thi, Innsung Lam Ihsin Tawh A Kalh

Malaysia, Klang Lama cetzung parih um Kawlram mi pakhat cu May 7, 2022 ah a thih thu theih a si. Himi sun cu hnaṭuan a cawl ruangah le innsung lam ihsin tawh a kalh ruangah zohman in an thang lo.

Simlam tiang sangka a ong lo ruangah an mangbang zet, sangka cu an king rero nan a ong lo ih thawmvang zianghman an thei lo. Innpar thlalang ihsin an vun zoh cu zuk ih kan hmuh vekin thicia in an hmu.

Singapore ih um an sungkhat in ‘zinglam ah in phone ih a pum naa tuk thu in sim thei hnuah phone a thlah. Kan phone sal rero nan phone a kai nawn lo’ a ti. An zumdan cun zinglam ah a pum naa in a thi si ding an ti.

Zanlam nazi 7:00 hrawngah mibawmtu pawlkom in cetzung neitu hnenah bawmnak an dil ih palik pawl an ko, palik pawlin siizung ah an phur ih a natnak pawl an zohdik rero lai. Siizung ah thilṭulmi pawl an buaipi hnuah an vuiliam ding. Mithi cu Ko Myo Ha a si ih Kawlram ih aumnak cu Bago ramṭhen, Zipin khua a si.

Be the first to comment

Leave a Reply

Your email address will not be published.


*