Malaysia Ah Kawlram Mi Tam Zet An Kai, Ṭhenkhat Cu An Sangka An Bauhsiat Hnuah An Kai

August 9, 2022 zan nazi 12:00 hrawngah Malaysia palik pawlin Selangor peng, Hentian Kajang ah ramdang mi tam zet an kai. An kaihmi lakah Kawlram mi tam zet an um.

Malaysia palik pawlin building tumpi sungah zingzoinak an va tuah, himi building cu tualsung mipi pawlin ramdang mi pawl an um tin palik hnenah an hek ṭheu.

Building sungih um mi 425 hnenah thusutnak an nei ih mi 175 an kai. Nunau 42, mipa 132 le nauhak khal an kai. Daan lo ih um Kawlram mi 115, Indonesia rammi 33, Bangladesh rammi 13, Nepal rammi 9, Sri Lanka rammi 4 le India rammi 1 pawl an si.

Ṭhenkhat cu sangka an rak on duh lo ruangah sakhan an bauhsiat hnuah an kai. Ṭuanvo neitu in, “Ramdang mi pawl cu sangka ong dingin kan fial ih an ong duh lo ruangah ṭhenkhat inn sangka cu kan ti siat ih kan lut” a ti.

Be the first to comment

Leave a Reply

Your email address will not be published.


*