Malaysia Ah Myanmar Pa In Nauhak Kum 4 Mi A Ru

Malaysia, Kuantan ah Myanmar pa in tualsung mipa nauhak kum 4 mi a ru ih an kai ngah. May 22, 2022 zinglam ah nauhak te cu an innhmai leithanel lakah a lek rero, a nu cu pangpar pawl tidai a pe.

Myanmar pa in nauhak te cu a thiar thutthi ih nauhak cu a au ciamco, a nu in a fapa ih auaw cu a thei. A pa in ava dum hngal ih vengsung mipi pawl bawmnak zarah an kai ngah, nauhak te khal an runsuak thei.

Palik bawi in, “Phone call kan dawng veten kan va feh ih suamhmang cu an rak kai zo” a ti. Myanmar pa in diaper var a keng, nauhak hmaituamnak ah a hmang tum si an zum.

Kum 30 mi Myanmar pa hi Malaysia ram a thlennak cu thla 3 lawng a si lai ih nga kaihnak hmun ah hna a ṭuan, Malaysia ram um theinak ca poimawh khal a nei lo. Daan lo ih Malaysia ram lut ti an thei.

A nupi thawn kum 8 sung an neiaw zo ih fa an nei thei lo, fa neih a duh ruangah nauhak a ruk thu a phuangaw. A phuntawk hremnak pe dingin Malaysia palik pawlin an hruai.

Be the first to comment

Leave a Reply

Your email address will not be published.


*