Malaysia Ah Naute Thla 8 Mi Cu Covid-19 In A Thi, Hringtu A Nu Khal Biak Theih Loin ICU Ah Aum Lai

Chin mipi tam zet tlanlennak Malaysia ram cu Covid-19 natsia in a nuai ciamco ruangah harsatnak phunkim an tuar. July 13 sun, nikhat lawngah Covid-19 nat nei 11,000 lenglo an record.

July 12 sunah naute mipa thla 8 mi cu Covid-19 in a thi, Malaysia ramah Covid-19 ih thi lakah nauhak bik a si.

Mi tlawmngai pawlin “Tlawngkai nikhat zan cu kan lung a kuai ih riahsiatnak in in rak hmuak. Raudhatul Sakinah Islamic Cemetery thlanmual ah zarh 39 lawngih upa naute kan vuiliam.

Hringtu a nu khal ICU romm sungah a nunnak hrang a sual rero lai. A pa le an innsang member 8 cu quarantine-nak hmun ah an um.

An innsang zaten hnenah tuar theinak thlausuah thleng hram seh. Pathian in rem a ti asilen naute in vanram ah a nulepa arak hngak lai” tin an riahsiat thu an tarlang. Mipi khalin an lainat tuk ih “A poi tuk, an innsang cu ka tuarpi tuk, damnak hmuh lohli hram seh. may God bless them” an ti.

Be the first to comment

Leave a Reply

Your email address will not be published.


*