Malaysia Ah Tlangleng An Pahaw, Hliamtuar 200 Lenglo An Um

Malaysia khawpi Kuala Lumpur ah tlangleng pahnih an pahaw ih hliamtuar 200 lenglo an um, hliamtuar 47 cu an bese zet. Mithi report cu aum lo, tlangleng pakhat ah minung 213 an to ih an zaten hliam an tuar thluh.

Tlangleng pakhat sawn cu a mawngtu lawng a to. Minung phurtu tlangleng cu amahten tlan thei pawl (automated) tlangleng a si ih driver khal an um lo. Pakhat sawn cu TR40 tlangleng a si ih an test-nak ih tlan a si.

TR40 tlangleng mawngtu in lamzin dik lo ih a tlan ruangah an pahaw. An pahaw na zet ih kiangkap dawr le thilri pawl khal an siatsuah, online par ih an thlahmi zuk le video pawl zoh tikah lukuai le thihnai suak khal an tam zet.

Malaysia‚Äôs prime minister, Muhyiddin Yassin in “Zingzoinak kimcang zetin tuah lohli uh” a ti. Thuneitu pawlin an accident dan pawl an zingzoi rero lai, TR40 tlangleng control-tu pawl ih daithlang ruangah a si ding ti an zum bik.

Transportation Minister, Mr. Wee in “Kum 23 sungah accident kan tong veikhatnak a si. Thilthleng dan ziangkim thei dingin kan zingzoi rero lai” a ti.

Be the first to comment

Leave a Reply

Your email address will not be published.


*