Malaysia Cetzung Ah Thla 4 Sung Hnaṭuan Thei Loin A Dam Lo, Siizung An Feh Thei Fawn Lo, A Thi

Malaysia, Pahang peng, Mentakab khua ih hnaṭuan Kawlram mi Maung Ne Lin cu TB natnak in a damlo ih thla 4 sung hnaṭuan thei loin aum.

Vengsung siikhan ah an fehpi ṭheu nan a ṭha thei lo, ca poimawh le sumpai an neih lo ruangah siizung an fehpi thei lo. An sungkhat pawlin siizung ih ret an duh tuk nan ca poimawh zianghman an neih lo ruangah an ret thei lo.

Maung Ne Lin hi a damlo besia vivo ih a feh thei nawn lo. Tuih a umnak cetzung khal a hnaṭuannak cetzung a si lo, a hnaṭuannak kiangih um Kawlram mi pawlin an zangfah ruangah an hnenah an umter. Kum 33 mi Maung Ne Lin cu Karen miphun a si, Kawlram ih aumnak cu Irrawaddy, Hinthada peng, Taung Garun khua a si.

An sungkhat pawlin Malaysia ramsung ih um mibawmtu pawlkom hnenah bawmnak an dil ih July 23, 2022 ah mibawmtu pawlkom in Temerloh siizung ah an va ret. Asinan, ṭhatlam pan thei nawn loin ni 5 hnuah a nunnak a cem, August 2, 2022 ah a ruak cu Malaysia ram Mentakab ah an vuiliam.

Be the first to comment

Leave a Reply

Your email address will not be published.


*