Malaysia Chin Pafa Thum Ih Ruak An Vuiliam

Malaysia, Kuala Lumpur, Middle Ring Road 2 (MRR2) lamzinpi parih um lilawn ihsin dawp that Chinpa le a fale pahnih ih ruak cu tuisun August 4, 2022 sun nazi 1:30 ah Selangor peng Semenyih Christian thlanmual ah an phum. Chin State, Matupi peng, Meisakatla khuami an si.

August 2, 2022 zingpit nazi 5:50 ah a fale pathum cu lilawn par ihsin a thlak hnuah amah khal a dawp that. Amah le a fale pahnih cu a hmun ah an thi cih, a fapa nautabik kum 3 mi Vabiechopha cu hrampi umnak hmun ah a tla ngah ih a thi lo nan hliamhma a tuar ih Selayang siizung ah an tuamhlawm rero lai.

Pacang kum 38 mi Cholei, a fapa kum 6 mi Vabiechose le a fanu kum 8 mi Vadetisoh cu an tlaknak hmun ah an thi. An hmeltheih in, “Malaysia a thleng hnuah sakhuanak thawn pehpar in a zumnak hi a danglam zet. A ṭong dan khal dik lo vekin aum ruangah hna a ṭuan thei lo ih a nupi sawn hnaṭuan in aum. Innlam ah nauhak pawl arak umpi ṭheu ih hi thil a thleng” a ti.

A nupi le a fapa hliamtuar cu Malaysia ram ah thinhar mangbang in an um, bawm theitu cun Malaysia ih um Mara community upa pawl hi nan pehtlaih thei a si. An phone number: Chairman : +60 17 359 3205, Secretary: +60 10 433 5893, Finance : +60 17 718 7659. Malaysia um pawl hrangah Merchantrade bank account khalin bawmnak nan pe thei, Merchantrade bank account cu (010 433 5893) a si. Pathian in an tanta mi innsang nu hnenah thlangamnak pe hram seh, a fapa khal damnak hmu lohli hram seh.

Be the first to comment

Leave a Reply

Your email address will not be published.


*