Malaysia Hotel Hminthang Sungah Thla A Um Lo Tin Duhphorhnak An Tuah

Malaysia, Genting Highlands ih um Amber Court hotel cu 1990 kum ah an sak ih an ṭhehsuak lo. Building sang zet a si ih room khal tampi aum. Caan reipi sung minung an um lo ruangah a thing reprep.

Tulai hi Youtube tuahtu pawlin himi hotel sungah thlahrang aum tin an phuang ṭheu ruangah hotel hmin cu a sia deuhdeuh. Himi hotel sungah thlahrang zuknung khal an rak cang ih hotel sungah thla um ngaingai ah mipi in an ruat.

Hotel room sungah nunau thla aum ih zanṭim laiah a au ciamco ṭheu, a vakkual rero tin an phuang. Ṭuanvo neitu pawlin hotel cu an thianfai sal ih an ceimawi, asinan mikhual an nei thei nawn lo.

Mipi in thla umnak hotel ah an rak ruat ngaingai ruangah ṭuanvo neitu pawlin thla aum lo tin duhphorhnak an tuah. Neta ah thla aum tin thuthang dik lo thehdarhtu pawl cu daan le dun vekin hremnak an pe ding thu an phuang.

Be the first to comment

Leave a Reply

Your email address will not be published.


*