Malaysia Milar In Tlangval A Hawl Thu A Tarlang Ih Mipa 400 In An Ngiar

Kum 23 mi Siew Pui Yi cu tulai Malaysia milar hminthang a si. US magazine hminthang cahmai khalah a zuk an tarlang ih Asian nunau lakah ‘Penthouse’ magazine cover ih zuk cuang hmaisabik a si.

Malaysia ramsung lawng siloin leitlun huap ih milar pakhat a si. A tlangval thawn an ṭhenaw zo ih kan dungte ah tlangval a hawl thu a tarlang, curuangah mipa 400 hrawngin an ngiar ih a tlangval si an duh thu ca an kuat. An cakuat mi sungah an hmin, an hnaṭuanmi le an thuhla kimcang zetin an ngantel.

April 20, 2022 ah Siew Pui Yi in a cakuat dawngmi thuhla cu a pholang nan an hmin le an zuk pawl cu a thuhsak ih ‘Mipa 400 sungah tlangval pakhat cu ka lo hril tengteng ding’ a ti. Siew Pui Yi in, “Pakhat cu a tuak in a mawi tuk, asinan kum 17 mi lawng a si lai. Ka hngak hrih a ṭul men ding” a ti.

Tu’ah mipa 400 sungah tlangval 15 a hril zo ih cumi lak ihsin pakhat cu a tlangval si dingin a hril ding. Tlangval pakhat khal ca a kuat cih ih “Ka tlangval hlun thawn nan bangawk tuk ruangah na resume hi ka ngaina” a ti.

A hrilsuahmi mipa 15 pawl cu a kuthnuai hnaṭuantu pawlin an zingzoi dingih cumi hnuah a duhbik mi tlangval pakhat a hril ding. Siew Pui Yi in, “Ka tlangval dingah pakhat ka lo hril ding, ka agent pawlin an ra lo pehtlaih dingih kan tongaw ding. Cutin, neta ah caan kan hmangtlang vivo ding” a ti.

Be the first to comment

Leave a Reply

Your email address will not be published.


*