Malaysia Mipa In Thilruk A Tum, Inntek Nu Takkolh Ṭheh A Hmu Cu Pawngsual A Tum Sawn

Malaysia, Bukit Padang ih um mipa pakhat cu thilru dingin mi inn sungah a lutthup. July 5 zanlam nazi 6:00 hrawng ih thilthleng a si, innsung ah thilruk ding cu a hawl rero.

Culaiah inntek nu cu zianghman thei loin tak arak kolhaw, tak a kolh ṭheh ih bathroom ihsin a suak cu rukru in arak hmu ih a it tuk. Thilru tum a si nan a thinlung a danglam thutthi ih pawngsual tum ah a cang.

Kum 34 mi inntek nu cu a kaihrem thutthi ih ihkun ah a dir. Inntek nu khalin arak sual ve ih an sualaw ciamco, rukru in a thong ih phar ahtla a lu a sawh.

Asinan, inntek nu khalin sung pek a tum lo ih a tha neih muah suah in a sual ve ih sangkapi a ong thei, a authawm cu innhnen pawlin an rak thei, an va run tum ih rukru cu a tlansuak hngal.

Innhnen pawlin an vengsung ih um mipa a si ti an theifiang ih palik hnenah an report. Malaysia palik pawlin an inn ah an va kai ih a hnipuan khal a kelte arak hruh lai.

Cun, pawngsual tum ih lut a si lo ih rukru tum a si nan inntek nu a hmuh ruangah a thinlung a danglam thu palik pawl hnenah a sim thei. Palik pawlin a hlan khalah ritheih sii thuhla ruangah an kaih zo mi a si ti an thei ih thawnginn lamah an hruaisal.

Be the first to comment

Leave a Reply

Your email address will not be published.


*