Malaysia Pacang Cu Arcang Sualawkter Dingin Thailand Ram Ah Ava Lut Thup Ih Ramri Kiltu Pawlin An Kap

Malaysia pacang kum 36 mi cu arcang sualawkter dingin Thailand ramah ava lut thup. Covid-19 ruangah kumhnih sung arcang sualawknak ah a feh thei lo.

June 16 ah Thailand, Narathiwat province ah arcang sualawknak an tuah. Tel tengteng a tum ruangah a manhlap tuk ih ramri ihsin Thailand ram ah ava lutthup. Feh lam cu tluangten a fehsuak thei, vanáš­hanak ah a arcang in nehnak a co.

A tlunlam ah Sungai Golok hmun ah ramri kiltu pawlin an rak hmu ih an dingter, a ding duh lo ruangah meithal in veithum an kap ih a kut ah veikhat an kap ngah. Buainak a suak sinsin ding a pang ruangah hliamhma thawn a tlan vivo ih Malaysia ram ah a lut theisal, a arcang cu a him.

Malaysia siikhan ah a hliamhma cu an tuamhlawm, a arcang ruangah a nunnak liam zik te. Thailand le Malaysia ram ah arcang sualawkter hi a lar zet. Thailand ram ahcun an rampi lek zuamawknak ciikhat ah an ruat.

Kum 3,000 liamzo ihsin Thailand ram ah arcang an rak sualawkter rero zo. 2014 kum ah cozah in thih hlanlo arcang sualawkter nak cu an kham. Thailand ram ah arcang sualawkter hi daanpahbal a si nan tuini tiang an sualawkter rero lai.

Be the first to comment

Leave a Reply

Your email address will not be published.


*