Malaysia Police In Police 3 A Kap That Hnuah Amah Le Mah A Kapaw

Malaysia, Sarawak state, Borneo island ih police ṭuan lai pakhat in a hnaṭuanpi 3 a kap that hnuah amah le mah a kapaw that. Himi thuthang in Malaysia mipi pawl cu thlaphang in aumter.

Sarawak police chief Aidi Ismai in “Kan lau thluh ih a rapthlak tuk. Malaysia ram cu a dai mi ram a si, hivek thilthleng ding hi kan ruat dah lo” a ti.

Tuizing August 13, 2021 zinglam nazi 7:30 hrawngah police cu an duty-nak ah ava lut ih gate kiltu in buainak a tuah tum ti a theih ruangah daiten um dingin arak lem ih a pum ah a kap cih.

Cumi hnuah police 2 cu “Thih maw dam nan duh?” a ti hnuah a kap ih a hmun ah an thi, a pum ih a kahmi police cu siizung ah an tlanpi nan an run suak thei nawn lo, siizung ah a thi.

Mi kaptu police khal amah le mah a kapaw that, ziangruangah hitin mi a kap that ti cu an thei hrih lo ih an zingzoi rero lai. Amah hi Covid-19 ruangah quarantine ih khumaw lai a si ti khal an thei.

Be the first to comment

Leave a Reply

Your email address will not be published.


*